Réttir og klukk og eitthvað rugl...

Jæja, verður víst að viðurkennast að ég blogga álíka oft og Hekla gýs... En taka verður viljann fyrir verkið, er það ekki =oþ

 

Allavega þá langar mig helst til að segja frá því að ég skellti mér norður á strandir um seinustu helgi og smalaði saman öllu liðinu sem ég hjálpaði tl við að koma í heiminn í vor =oD
      Kom semsagt heim úr vinnunni hálftíma áður en ég lagði af stað og þá átti ég eftir að fara í sturtu og pakka niður og allt =oþ þannig að þetta var ekkert neitt voðalega sniðug pakkning, gleymdi meðal annars tannbursta, auka sokkum, auka ullarsokkum, belti og auka nærbuxum held að ég hafi sett heimsmet í gleymsku eða eins og ein orðaði það, það var eins gott að þú sért ekki í sambandi og hefðir gleymd kallinum... =oþ 

  Fór semsagt á fimmtudeginum 11 september og keyrðum í bölvaðri þoku og rugli alla leiðina endaði á því að við vorum hálf´tima lengur á leiðinni en við hefðum þurft að vera þrátt fyrir bara 3 stutt stopp, fengum okkur mat og tannbursta á Baulu og svo pissuðum við á Hólmavík og fengum svo að kíkja undir bílinn á Djúpuvík því Gísli brunaði yfir stórgrýti á leiðinni =oþ 

Föstudagurinn fór svo eins og vanalega í að smala og standa fyrir úti í Ófeigsfirði þar sem við fengum að lokum vöfflur og rjóma og súkkulaði hjá Pétri og konu hans, alveg ómetanlegt eftir að hafa verið nestislaus allan daginn, (gleymdi nestinu) Kom svo við í fjárhúsunum á leiðinni heim og skoðaði hana Elsu litlu mína =oþ litla greyið orðið 13kíló en verður að fara í slátrun í haust því fæturnir hennar eru svo bæklaðir að hún getur varla staðið og verður ennþá verra þegar hún þyngist meira =o(

Á laugardeginum fór ég svo út í Ófeigsfjörð sem heill maður í fyrsta sinn ;o) fórum aðeins of fá út eftir svo við vorum ekki nema tvö fyrir neðan veg þannig það var pínu basl í gangi að selflytja bílana fram og til baka. En þetta var í fyrsta skipti sem ég labbaði fyrir Seljanes hef vanalega farið bara hlíðina. Á Seljanesi hittum við 2túrista á bíl sem báðust afsökunar á því að vera fyrir okkur og sögðust aldrei hafa farið þessa leið ef þeir hefðu vitað að við værum að smala, svo þeim var fyrirgefið =o) Svo þegar við vorum að koma inn í Ingólfsfjörð þá rákumst við á hóp af jeppafólki sem stóð á miðjum veginum og ráku allar rollurnar út fyrir veginn og gengu meira að segja svo langt að elta þær upp í miðja hlíð til að taka myndir af MEME, ég var vægast sagt brjáluð í skapinu og skeytti því af miklu afli á aumingjans rollurnar sem voru fyrir ofan veginn og neituðu að koma niður =oþ
síðan gekk nú allt bara ágætlega það sem eftir var nema frekar mikið af rollunum gafst upp vegna hitans svo ég lenti pínu eftir á þar sem ég sat með eitt lamb og eina rollu sem voru að bíða eftir því að komast upp á kerru =oþ

Svo var dregið og gengið heim með dömupelann upp á vasann ;o) Fékk svo smá snafs af Viský svona til að meika afganginn af ferðinni heim þar sem iljarnar á mér voru dauðar af því að arka á gúmmítúttum á malarveginum =oþ

En já, svo var ég víst klukkuð líka,

1. Fjögur störf sem ég hef unnið:

Bæjarvinnan, 
10-11
Skólagarðarnir í sumar. 
Bera út póstinn. 

 

2.Fjórar bíómyndir sem ég held uppá:


Back to the Future I-III
Ace Ventura I-II
Green Mile
Of margar til að velja eina í viðbót =oþ 

 

3.Fjórir staðir sem ég hef átt heima á:

Digranesvegi 91
Digranesheiði 13
Sumarbústaðurinn í Eilífsdal
Svo hef ég átt lögheimili á  mörgum stöðum,  Vallarás 3, Holtagerði 63, Engihjalla 3 og Baugakór 19-23

 

4.Fjórir sjónvarpsþættir sem ég horfi helst á:

Friends
Simpsons
That's the 70's show
House


 

5.Fjórir staðir sem ég hef heimsótt í fríum:

Selárdalur
Fáskrúðsfjörður
Árneshreppur
Eilífsdalur

   

6. Fjórar síður sem ég heimsæki daglega (reglulega):

www.mbl.is 
www.mk.is
www.hugi.is
www.myspace.com


  7. Fjórir réttir sem mér finnst góðir:

Skata
Taglíatellí
Hákarl
Pizza og brauðstangir 

   

8.Fjórar bækur sem ég les amk. árlega:

Les engar árlega lengur en held mjög mikið upp á þessar:
Anna í Grænuhlíð
Allar eftir Guðrúnu frá Lundi
Sjálfstætt fólk eftir Dóra Lax
Ljóðabókin mín eftir Tómas Guðmundsson =o)

 

Set hérna líka link á þær myndir sem ég tók fyrir norðan um réttarhelgina vona að þið njótið þeirra ;o)

http://apahaus.spaces.live.com/photos/cns!3E1024C9D77A930C!2457/?startingImageIndex=1&commentsExpand=0&addCommentExpand=0&addCommentFocus=0&pauseSlideshow=0